உக்ரேனிய விமானக்குழுவினர் மூலம் இலங்கையில் கொரோனா இரண்டாவது அலை ஏற்பட்டிருக்கலாம்! - Onlinejaffna Sri Lankan Tamil News Web Site

Latest

Breaking News

புதிய செய்திகள்

உக்ரேனிய விமானக்குழுவினர் மூலம் இலங்கையில் கொரோனா இரண்டாவது அலை ஏற்பட்டிருக்கலாம்!


இலங்கையில் கொரோனா தொற்றின் இரண்டாவது அலை உக்ரேனிய விமானக்குழுவினர் மூலம் ஏற்பட்டிருக்கலாமென தொற்றுநோயியல் பிரிவு நம்புவதாக, அதன் இயக்குனர் வைத்தியர் சுதத் சமரவீர தெரிவித்துள்ளார்.

உக்ரேனிய விமானப்படை குழுவொன்று கடந்த செப்டம்பரில் இலங்கைக்கு வந்தது. செப்டம்பர் தொடக்கத்தில் சீதுவவிற்கு அருகிலுள்ள ஒரு ஹோட்டலில் இந்த குழு தங்கியிருப்பதாக அவர் தெரிவித்தார்.

அவர் மேலும் தெரிவிக்கையில்,

கொரோனா வைரஸின் இரண்டாவது அலை சட்டவிரோத மீன்பிடியில் ஈடுபட்டவர்கள் அல்லது வைரஸ் இருப்பதை அடையாளம் காணாதவர்கள் நாட்டுக்குள் நுழைந்ததன் மூலம் ஏற்பட்டிருக்கலாம். இருப்பினும், இந்த வைரஸ் ஒரு உக்ரேனிய விமான நிறுவனத்தின் குழுவினரிடமிருந்து வந்தது என்று இப்போது பரவலாக நம்பப்படுகிறது.

உக்ரேனிய ஏர்லைன்ஸின் 11 உறுப்பினர்கள் செப்டம்பர் 11 அன்று இலங்கைக்கு வந்தனர். சீதுவவில் உள்ள ஒரு ஹோட்டலில் அவர்கள் தனிமைப்படுத்தப்பட்டனர். அவர்கள் புறப்படுவதற்கு முன்பு, ஹோட்டல் வளாகத்தில் ஒரு பிரியாவிடை விருந்து நடைபெற்றது, அதில் வெளி நபர்கள் கலந்து கொண்டதாக கூறப்படுகிறது.

செப்டம்பர் 13 ஆம் திகதி, ஊழியர்களில் ஒருவர் கொரோனா வைரஸால் பாதிக்கப்பட்டிருப்பது உறுதி செய்யப்பட்டது. அவர் சிகிச்சைக்காக கொழும்பில் உள்ள ஐ.டி.எச் மருத்துவமனையில் அனுமதிக்கப்பட்டார். ஹோட்டலின் ஐந்து ஊழியர்களுக்கு பின்னர் கொரோனா வைரஸ் இருப்பது கண்டறியப்பட்டது என தெரிவித்தார்.