Breaking News



சிரியாவில் நேற்று இஸ்ரேல் விமானப்படையினர் முன்னெடுத்த வான் தாக்குதலில் ஈரானிய ஆதரவு போராளிகள் பலர் கொல்லப்பட்டிருக்கலாம் என்று தகவல் வெளியாகியுள்ளது.

குறித்த தகவலை போர் தொடர்பில் கண்காணித்து வரும் அதிகாரிகள் குழு வெளியிட்டுள்ளது.

குறித்த தாக்குதலில் ஈரானை சேர்ந்த எட்டு பேரும், சிரியாவை சேர்ந்த இரண்டு பேரும் கொல்லப்பட்டுள்ளனர்.

அத்தோடு அந்த பகுதியில் நிறுத்தி வைக்கப்பட்டிருந்த வாகனங்களையும் இஸ்ரேலிய விமானப்படை தகர்த்துள்ளது.

முன்னதாக கடந்த 3 ஆம் திகதியன்று சிரியாவின் கிழக்கு பகுதியில் இருந்த 16 கிளர்ச்சியாளர்களை இஸ்ரேல் விமானப்படை கொன்றது.

சிரியாவில் கடந்த 2011 முதல் உள்நாட்டு போர் நடைபெற்று வருகிறது. இந்த போரில் சுமார் 380,000 பேர் இதுவரை கொல்லப்பட்டுள்ளனர்.

பல லட்சம் பேர் அடைக்கலம் தேடி பல நாடுகளுக்கும் புலம்பெயர்ந்துள்ளனர் என்பது குறிப்பிடத்தக்கது.

No comments

Note: Only a member of this blog may post a comment.