Breaking News



பிஜித் தீவில் கடைசியாக கொரோனா தொற்று உறுதி செய்யப்பட்ட நபரும் பூரண குணமடைந்த நிலையில், அத்தீவில் கொரோனா தொற்று இல்லையென நேற்று அறிவித்துள்ளது.

பசுபிக் சமுத்திரத்தில் கொரோனா தொற்று பரவலுக்கு எதிரான போராட்டத்தில் மகத்தான வெற்றியினை பிஜி ஈட்டியுள்ளது.

கடைசியாக அறியப்பட்ட கொரோனா வைரஸ் நோயாளி பூரண குணமடைந்த நிலையில், நாட்டின் வைரஸ் இல்லாத அந்தஸ்த்திற்கு " பிரார்த்தனைகளுக்கான பலன், கடின உழைப்பு மற்றும் அறிவியலின் உறுதிப்படுத்தல்" ஆகியவையே காரணம் என பிஜி பிரதமர் பிராங்க் பைனிமராமா தெரிவித்துள்ளார்.

சுமார் 930,000 சனத் தொகையை கொண்ட பிஜியில் மார்ச் மாதம் நடுப்பகுதியில் முதலாவது கொரோனா தொற்றாளர் அடையாளம் காணப்பட்டார்.
இந்நிலையில் இதுவரை 18 பேர் கொவிட்19 கொரோனா வைரஸ் தொற்றால் பாதிக்கப்பட்டிருந்தனர். மேலும், கடந்த 45 நாட்களில் நாட்டில் புதிய தொற்று அல்லது இறப்பு வழக்குகள் எதுவும் பதிவாகவில்லை.

உலகளவில் பொரோனா வைரஸ் தொற்றினால் 66 இலட்சம் பேர் பாதிக்கப்பட்டுள்ளதோடு, அதில் 391,000 பேர் உயிரிழந்துள்ளதாக ஜோன் ஹோப்கின்ஸ் பல்கலைக்கழக புள்ளிவிபரங்கள் தெரிவிக்கின்றன.

No comments

Note: Only a member of this blog may post a comment.