Breaking News

யாழ் நகரில் இருவரை வெட்டிச் சரித்தனர் ரௌடிகள்: ஊர் மக்கள் விரட்ட மோட்டார் சைக்கிள்களை போட்டு விட்டு தப்பியோட்டம்!


யாழ்ப்பாணம் மாநகர் கொட்டடியில் வாள்களுடன் வந்த ரௌடிக் கும்பல் ஒன்று இருவர் மீது வாள்வெட்டுத் தாக்குதல் நடத்தியுள்ளது. தாக்குதலையடுத்து ஊரவர்கள் துரத்திச் சென்ற போது 3 மோட்டார் சைக்கிள்களைக் கைவிட்டு ரௌடிகள் தப்பியோடி விட்டனர்.

இந்தச் சம்பவம் கொட்டடி வைரவர் கோவிலடியில் இரவு 8 மணியளவில் இடம்பெற்றது.

படுகாயமடைந்த இருவரும் யாழ்ப்பாணம் போதனா வைத்தியசாலையில் சேர்க்கப்பட்டுள்ளனர்.

3 மோட்டர் சைக்கிள்களில் வந்த ஏழுக்கு மேற்பட்டவர்களை கொண்ட ரௌடிக் கும்பல் ஒன்றே இந்தத் தாக்குதலை நடத்தியுள்ளது. அவர்கள் பொம்மைவெளியைச் சேர்ந்த ரௌடிகள் என சந்தேகிக்கப்படுவதாக கொட்டடி இளைஞர்கள் தெரிவித்தனர்.

ரௌடிகள் கைவிட்டுச் சென்ற 3 மோட்டார் சைக்கிள்களும் கொட்டடியைச் சேர்ந்தவர்களால் சேதமாக்கப்பட்டுள்ளது.

சம்பவம் தொடர்பில் யாழ்ப்பாணம் பொலிஸாருக்கு அறிவிக்கப்பட்டுள்ளது.

No comments

Note: Only a member of this blog may post a comment.