Online jaffna News

#online_jaffna_news #online_jaffna #onlinejaffna

கிழே LIKE உள்ள பட்டனை அமத்தி மற‌க்கமல் LIKE பன்னுங்கள்!

புதன், 9 அக்டோபர், 2019

அரசியலில் ஓய்வுபெறும் வயதில்லை; சம்பந்தனை பாருங்கள்: ஓய்வூதியர் தினத்தில் ரணில் ‘கலகல’!

  admin       புதன், 9 அக்டோபர், 2019


அரசியல்வாதிகளுக்கு ஓய்வுபெறும் வயது இல்லை. எதிர்க்கட்சித் தலைவர் மஹிந்த ராஜபக்ஷ, தமிழ்த் தேசியக் கூட்டமைப்பின் தலைவர் ஆர்.சம்பந்தன் ஆகியோர் இன்னும் அரசியலில் உள்ளனர் என்று பிரதமர் ரணில் விக்கிரமசிங்க தெரிவித்தார்.

தாமரை தடாக அரங்கில் நேற்று (8) நடைபெற்ற தேசிய ஓய்வூதியதாரர் தினத்தில் பிரதம விருந்தினராக கலந்து கொண்ட பிரதமர் இதனை தெரிவித்தார்.  பேசிய அவர், ஓய்வூதியதாரர்களின் சேவையைப் பாராட்டும் வகையில் ஓய்வூதிய முரண்பாடுகளை இரண்டு முறை நீக்க அரசு நடவடிக்கை எடுத்தது என்றார்.

அரசு ஊழியர்களின் சம்பளம் அதிகரிக்கப்பட்டபோது, ​​635,000 மக்கள் ஓய்வூதியம் தொடர்பான பிரச்சினைகளை எதிர்கொள்ள வேண்டியிருந்தது. அவற்றில் 85% பிரச்சினைகள் 2015 மற்றும் 2019 பட்ஜெட் திட்டங்களால் தீர்க்கப்பட்டுள்ளன. நாடு பெரும் கடன் சுமையில் இருந்த ஒரு காலகட்டத்தில் இந்த விஷயங்கள் தீர்க்கப்பட்டன என்றும் அவர் கூறினார்.

“இதுபோன்ற கடினமான நேரத்தில் எங்களால் எல்லாவற்றையும் நிறைவேற்ற முடிந்தது. கடன்களைப் பெற இயலாமையால் வெளிநாடுகள் நம்மீது நம்பிக்கை இழந்தன. கடந்த சில ஆண்டுகளில் பொருளாதாரத்தை உறுதிப்படுத்தவும், முதன்மை பட்ஜெட் கணக்கில் உபரி உற்பத்தி செய்யவும் நாங்கள் நடவடிக்கை எடுத்தோம் என பிரதமர் கூறினார்.

ஒவ்வொரு முறையும் வாழ்க்கைச் செலவு அதிகரிக்கும் போது ஓய்வூதியதாரர்களின் வருமானம் அதிகரிப்பதை அரசாங்கம் உறுதிசெய்கிறது என்றும் அத்தியாவசியப் பொருட்களின் விலையைக் கட்டுப்படுத்த அரசாங்கம் நடவடிக்கை எடுத்துள்ளதாகவும் அவர் கூறினார். “மண்ணெண்ணெய், பெட்ரோல், எரிவாயு விலை உள்ளிட்ட எரிபொருள் விலை 5 ஆண்டுகளாக கட்டுப்படுத்தப்பட்டது. பல அத்தியாவசிய பொருட்களின் செலவுகள் 5 ஆண்டுகளாக அதிகரிக்கப்படவில்லை” என்று அவர் குறிப்பிட்டார்.

அதிக நிதியை ஒதுக்கியதால் சுகாதாரத் துறையில் வளர்ச்சி ஏற்பட்டது. இதய அறுவை சிகிச்சைகளுக்கான உபகரணங்களை இலவசமாக வழங்குதல் மற்றும் பல நோய்களுக்கான சிகிச்சைகள் வழங்குவதற்கான பொறுப்பை அரசாங்கம் ஏற்றுக்கொண்டது. அரசு மருத்துவமனைகள் புதுப்பிக்கப்பட்டு புதிய அலகுகள் உருவாக்கப்பட்டன.

எங்கள் ஆட்சியிலும் வெள்ளை வாகனம் வந்ததுதான். அது சுவாசரிய ஆம்புலன்ஸ்களே. இந்த சேவையால், மக்கள் நோய்வாய்ப்பட்டிருக்கும்போது மருத்துவமனைகளுக்கு கொண்டு செல்ல முடியும் என்றும் அவர் கூறினார். குழந்தைகள் பாதுகாப்பாக இருப்பதை சூரக்ஷா காப்பீடு உறுதி செய்தது. உங்கள் வாழ்க்கைச் செலவின் ஒரு பகுதியை நாங்கள் மறைமுகமாகக் குறைத்துள்ளோம். ஓய்வூதிய திட்டத்தை மேலும் நவீனப்படுத்துவது குறித்து அமைச்சர் மத்தும பண்டாரவுடன் விவாதித்தேன். இருப்பினும், ஓய்வூதிய திட்டம் மேம்படுத்தப்பட, நாட்டின் பொருளாதார வளர்ச்சி விகிதம் 7.5% வரை இருக்க வேண்டும் என்று பிரதமர் சுட்டிக்காட்டினார்.

logoblog

இந்த செய்தியை படித்தமைக்கு நன்றி, மீண்டும் வருக! அரசியலில் ஓய்வுபெறும் வயதில்லை; சம்பந்தனை பாருங்கள்: ஓய்வூதியர் தினத்தில் ரணில் ‘கலகல’!

Previous
« Prev Post