onlinejaffna.com

#online_jaffna #onlinejaffna

கிழே LIKE உள்ள பட்டனை அமத்தி மற‌க்கமல் LIKE பன்னுங்கள்!

Wednesday, June 12, 2019

இலங்கை முஸ்லிம்கள் தொடர்பில் ஐரோப்பிய ஒன்றியம் அரசாங்கத்துக்கு அறிக்கை

  admin       Wednesday, June 12, 2019


முஸ்லிம் சமூகம் தொடர்பில் தப்பான எண்ணத்தை தோற்றுவிக்கும் வகையில், உறுதிப்படுத்தப்படாத குற்றச்சாட்டுகளை ஊடகங்கள் தொடர்ச்சியாக வெளியிடுகின்றமை சகிப்புத் தன்மைக்கு எதிரானது என  ஐரோப்பிய ஒன்றிய தூதுவர்கள் குழு தெரிவித்துள்ளது.

ஐரோப்பிய ஒன்றிய தூதுவர்கள் குழு இன்று(12) வெளியிட்டுள்ள அறிக்கையிலேயே இதனைக் கூறியுள்ளது. அவ்வறிக்கையில் மேலும் கூறப்பட்டுள்ளதாவது,

இலங்கையின் முஸ்லிம் சமூகத்தை நோக்கிய அரசியல் ரீதியான அழுத்தங்கள் தொடர்பில் நாம் அதிகளவு கவனம் செலுத்துவதுடன் இந்த நடவடிக்கைகள் சமாதானம் மற்றும் ஒருமைப்பாடு செயற்பாடுகளுக்கு தடங்கலாக அமைந்துள்ளதாகவும் நாம் கருதுகின்றோம்.

தப்பான எண்ணத்தை தோற்றுவிக்கும், உறுதிப்படுத்தப்படாத குற்றச்சாட்டுகளை ஊடகங்கள் தொடர்ச்சியாக வெளியிடுகின்றமை சகிப்புத் தன்மைக்கு எதிராக அவர்களைத் தூண்டுவதாக அமைந்துள்ளன.

பிரதமருடன் இன்று இடம்பெற்ற சந்திப்பொன்றின் போது எமது கருத்துக்களை நாம் பகிர்ந்து கொண்டோம். அச்சந்தர்ப்பத்தில் வெறுக்கத்தக்க பேச்சுகளுக்கு எதிராகவும், மதங்களுக்கிடையிலான ஒருமைப்பாட்டை ஏற்படுத்தும் அமைப்பை நிறுவுவதிலும் அரசாங்கம் காண்பிக்கும் அர்ப்பணிப்பான செயற்பாடுகளை நாம் வரவேற்றோம்.

சகல சமூகங்களிடையேயும் சமாதானத்தை பேணி நிலை நிறுத்துவது தொடர்பில் அனைத்து இலங்கையர்களுடனும் நாம் பக்கபலமாக உள்ளதுடன், சமய தலைவர்கள் மற்றும் இதர சமூக தலைவர்கள் அவர்களை வழிநடத்தி, வன்முறைகளுக்கு எதிராக குரலெழுப்ப வேண்டும் எனவும் எதிர்பார்க்கின்றோம்.

அனைவருக்கும் பொதுவான சட்டத்தின் கீழ் இன வேறுபாடின்றி, பரஸ்பர மதிப்பு, சகிப்பு மற்றும் சமமாக நடத்தல் போன்றவற்றுக்கான நாட்டின் அர்ப்பணிப்பை ஜனாதிபதி, பிரதமர் மற்றும் ஏனைய சகல அரசியல் தலைவர்களையும் மீள உறுதி செய்யுமாறும் நாம் கூட்டாக கோரிக்கை விடுக்கின்றோம் எனவும் அவ்வறிவித்தலில் மேலும் குறிப்பிடப்பட்டுள்ளது. 

logoblog

இந்த செய்தியை படித்தமைக்கு நன்றி, மீண்டும் வருக! இலங்கை முஸ்லிம்கள் தொடர்பில் ஐரோப்பிய ஒன்றியம் அரசாங்கத்துக்கு அறிக்கை

Previous
« Prev Post