Onlinejaffna Sri Lankan Tamil News Web Site

onlinejaffnanews, online jaffna, onlinejaffna, online jaffna news,today jaffna news,jaffna news paper,eelamnews,virakesarinews,lankasri,politics,thinakkural,uthayan,srilankan tamil,jaffna,corona virus jaffna,jaffna news,jaffna sri lanka,jaffna news paper,jaffna phone shop,jaffna news today,jaffna tamil tv news,lanka,lankasri,parliament,today news sri lanka,tamilwin news,lankasri news,sri lanka latest news,sri lanka updates today,sri lanka current situation,news sri lanka,sri lanka tamil news

கிழே LIKE உள்ள பட்டனை அமத்தி மற‌க்கமல் LIKE பன்னுங்கள்!

புதன், 1 மே, 2019

தீவிரவாதிகளை முற்று முழுதாக ஒழிக்க வேண்டுமானால் தொடர்புடைய முஸ்லிம் அமைச்சர்களை சிறையில் தள்ள வேண்டும்!

  admin       புதன், 1 மே, 2019


ஐ.எஸ் தீவிரவாதிகளை ஸ்ரீலங்காவிலிருந்து முற்றுமுழுதாக துடைத்தெறிய வேண்டுமானால் தடைசெய்யப்பட்ட இனவாத முஸ்லிம் அமைப்புக்களுடன் தொடர்புகளைப் பேணிய அனைத்து முஸ்லிம் அரசியல்வாதிகளையும் கைது செய்து சிறையில் தள்ள வேண்டும் என்று பொதுபல சேனா அமைப்பு வலியுறுத்தியுள்ளது.

ஐ.எஸ் தீவிரவாதிகளுடன் தொடர்புவைத்திருந்த ஸ்ரீலங்கா தவ்ஹீத் ஜமாத் அமைப்பினருக்கு இந்தியாவிலிருந்தும் உதவிகளும் கிடைத்திருப்பதாக சிங்கள பௌத்த கடும்போக்குவாத அமைப்பான பொதுபல சேனா குற்றம் சாட்டியுள்ளது.

உயித்த ஞாயிறு தினத்தில் ஸ்ரீலங்காவில் ஐ.எஸ் தீவிரவாதிகள் மேற்கொண்ட தாக்குதலையடுத்து ஸ்ரீலங்கா அரசாங்கம் பல்வேறு கட்டுப்பாடுகளையும் விதித்துள்ளதுடன், பாதுகாப்பு ஏற்பாடுகளையும் கடுமையாக்கியிருக்கிறது.

இதற்கமைய முஸ்லீம் பெண்கள் தமது முகத்தை முழுமையாக மூடுகின்ற புர்கா, நிக்காப் போன்ற ஆடைகளை அணிவதற்கும் தடை விதிக்கப்பட்டுள்ளது.

அதேவேளை இனரீதியிலான வன்முறைகளைத் தூண்டக்கூடியதாக அடையாளங்காணப்பட்ட ஸ்ரீலங்கா தவ்ஹீத் ஜமாத் போன்ற சில முஸ்லிம் அமைப்புக்களையும் ஸ்ரீலங்கா அரசு தடை செய்துள்ளது.

இந்த நிலையில் தென்னிலங்கையிலுள்ள கடும்போக்குவாத சிங்கள பௌத்த அமைப்புக்களில் ஒன்றான பொதுபல சேனா நேற்றைய தினம் கொழும்பில் விசேட ஊடகவியலாளர் சந்திப்பொன்றை நடத்தியது.

அந்த சந்திப்பில் பொதுபல சேனாவின் தேசிய அமைப்பாளர் வித்தாரந்தெனிய நந்தா தேரர் தெரிவிக்கையில், 

படையினரின் சோதனையில் சிறிய நபர்களே கைது செய்யப்படுகின்றனரே தவிர, முக்கியமானவர்கள் இன்னும் கைது செய்யப்படவில்லை. புர்கா மற்றும் நிக்காப் என்பவற்றை அணிவதை ஜனாதிபதி தடைசெய்திருந்தார். இதனை நாம் வரவேற்கின்றோம். அண்மைய வருடங்களாக பல்கலைக்கழகத்திற்கு தமிழ் மற்றும் சிங்கள மாணவர்களின் உள்ளீர்ப்புகள் குறைவடைந்து முஸ்லிம் மாணவர்களின் வருகை அதிகரித்திருப்பது குறித்து கவனம் செலுத்தியிருந்தோம். 

அம்பாறைக்கு விஜயம் செய்தபோது அங்கிருந்த மாணவர்கள் இதுகுறித்து எமக்கு முறையிட்டிருந்தனர். சில மாணவர்கள் புர்காவை பயன்படுத்தி ஆள்மாறாட்டம் செய்து பரீட்சைகளில் சித்திபெற்று பல்கலைக்கழகத்திற்கு தெரிவாகின்றனர். அந்த வகையில் புர்கா மீதான தடையை நாம் வரவேற்கின்றோம். தற்போது சில இஸ்லாமிய இனவாத அமைப்புக்களும் தடை செய்யப்பட்டிருக்கின்றன. 

அதேபோல இந்த அமைப்புக்களுக்கு தொடர்புபட்ட சில அமைப்புக்கள் உள்ளன. ஸ்ரீலங்கா தவ்ஹீத் ஜமாத் என்ற அமைப்பு தமிழ்நாடு தவ்ஹீத் ஜமாத் என்கிற அமைப்பின் பின்னணியிலிருந்து வந்தது. அதில் பல உறுப்பினர்கள் உள்ளனர். அமைச்சர் ரிஷாட் பதியூதீன் வில்பத்துவில் காடுகளை அழித்து முஸ்லிம் குடும்பங்களை குடியேற்றினார். 

இந்தியப் படகொன்று உடைந்து மிதந்து வந்தாலும் கரைசேர்கின்ற இடமாக அந்தப் பகுதி உள்ளது. இந்நிலையில் அங்கு கடற்படை முகாமும் அங்கு உள்ள நிலையில் அதற்கெதிராக மக்களைத் தூண்டி போராட்டங்களையும் அமைச்சர் பதியூதீன் மேற்கொண்டார். ஸ்ரீலங்கா தவ்ஹீத் ஜமாத் அமைப்பு இந்தியாவிலுள்ள தவ்ஹீத் ஜமாத் அமைப்புடன் தொடர்பு கொண்டது. 

தமிழக முன்னாள் முதலமைச்சர் ஜெயலலிதா பதவியிலிருந்தபோது அந்த அமைப்புக்கு பாரிய உதவிகளை வழங்கியிருந்தார். ஆயுதப் பயிற்சியை இவர்கள் பெற்றிருப்பதால் எந்த நேரத்திலும் இரண்டு மணித்தியாலங்களிற்குள் தமிழகத்திலிருந்து சிலாவத்துறைப் பகுதிக்கு லட்சக்கணக்கான உறுப்பினர்களை அழைத்துவர முடியும். 

இவர்கள் விடுதலைப் புலிகளைப் போலல்ல. இவர்கள் மற்றைய மதத்தினரை படுகொலை செய்யும் நோக்கமுடையவர்கள். இந்தப் பிரச்சினைக்கு முற்றுப்புள்ளி வைக்க வேண்டுமென்றால் இந்த அமைப்பினருடன் தொடர்புவைத்திருக்கும் முஸ்லிம் அரசியல்வாதிகளை கைது செய்து சிறைதள்ள வேண்டும். அரசியல்வாதிகள் இருக்கும்வரை இந்தப் பிரச்சினைக்கு முற்றுப்புள்ளி வைக்க முடியாது எனவும் அவர் தெரிவித்துள்ளார்.

எவ்வாறாயினும் அமைச்சர் ரிசாட் பதியூதீன் மற்றும் கிழக்கு மாகாண ஆளுநர் எம்.எல்.ஏ.எம்.ஹிஸ்புல்லாஹ் ஆகியோர் தங்கள் மீது சுமத்தப்படும் குற்றச்சாட்டுக்களை தொடர்ச்சியாக நிராகரித்து வருகின்றமை குறிப்பிடத்தக்கது.

logoblog

இந்த செய்தியை படித்தமைக்கு நன்றி, மீண்டும் வருக! தீவிரவாதிகளை முற்று முழுதாக ஒழிக்க வேண்டுமானால் தொடர்புடைய முஸ்லிம் அமைச்சர்களை சிறையில் தள்ள வேண்டும்!

Previous
« Prev Post