Friday, December 28, 2018

மின் பாவனையாளர்களுக்கு மகிழ்ச்சியான செய்தி



மின் பாவனையாளர்களுக்கு மகிழ்ச்சியான செய்தி
இலங்கை மின்சார சபையை இலாபமீட்டும் நிறுவனமாக மாற்றி, பாவனையாளர்களுக்கு நிவாரணம் பெற்றுக் கொடுக்க நடவடிக்கை எடுப்பதாக மின்சக்தி மற்றும் எரிசக்தி அமைச்சர் ரவி கருணாநாயக்க தெரிவித்துள்ளார்.

மின்சார தொழிற்சங்க பிரதிநிதிகளுடன் இன்று நடைபெற்ற சந்திப்பின் போதே அமைச்சர் இதனை குறிப்பிட்டுள்ளார்.

மேலும், இலங்கை மின்சார சபைக்குள் நிலவும் நிதி மற்றும் ஊழியர் முரண்பாடுகளை எதிர்காலத்தில் தீர்ப்பதற்கு எதிர்பார்த்துள்ளதாக தெரிவித்த அமைச்சர், இத்தகைய செயற்பாட்டின் போது தொழிற்சங்கள் தமக்கு ஆதரவளிக்க வேண்டும் என்று குறிப்பிட்டார்.

இவ்வாறான அனைத்து செயற்பாடுகளின் இறுதியில் மின்சார சபையை இலாபமீட்டும் நிறுவனமாக மாற்றுவதும், மின் கட்டணங்களை குறைத்து பாவனையாளர்களுக்கு நிவாரணங்களை பெற்றுக் கொடுப்பதுமே தனது பிரதான இலக்கு என்றும் தெரிவித்தார்.
Disqus Comments